2013年12月5日 星期四

九龍區 深水埗 兆利隆模型有限公司


店鋪名稱:兆利隆模型有限公司
地址:九龍荔枝角道342 號地鋪‧
營業時間:Mon - Sun 10:00 - 19:00 (13:00 - 14:00 午膳時間)
電話:2361 9202
付款方法:只接受現金
交通:港鐵 深水埗站 C2 出口
貨品種類:Gunpla, Transformer, Tomica, 田宮模型, 壽屋模型, Robot魂, 搖控車, 模型用品及用具.
備註


:


卒之都到 "兆利隆"了, 其實間唔中會去. 但估唔到今時今日先寫. "兆利隆" 本身係以批發為主, 門市只係搭單做, 依然好傳統, 因為中午會係鋪內開枱自己煮飯食, 相信香港己無咁既模型店.








Google Map :


檢視較大地圖






今日去北河食個勁陒既燒肉飯, 呢到除左燒肉出名, 老細"明哥"都係出晒名既有心人! 其實, 洋蔥頭都係第一次入去食, 之前次次都係斬料. 入到去, 其他食客真係會好友善咁同你傾計, 好街坊feel. 期待既燒肉飯, 好快就送到, 誰不知, 燒肉入口當然勁脆, 但飯係勁"糊仔". 諗一諗, 就會明白點解會咁. 因為呢到都係以公公婆婆食客為主, 當然要咁先岩佢地食啦. 最後, 燒肉飯加一罐可樂都係 $26, 真係好平, 但我都係決定以後都係斬料算啦.



2013年11月20日 星期三

No. 004 新界區 大埔 大埔玩具文具精品 (Renewal Version 10/07/2017)

店鋪名稱:大埔玩具模型
地址:新界大埔運頭塘商場地下8A號舖
營業時間:10:00 - 21:00
付款方法:只接受現金
交通:港鐵大埔站 A1 出口, 出閘後約步行 10 分鐘
Tel:2638 5677 
貨品種類:Gunpla, Transformer, 壽屋模型, 洋娃娃, 氣槍, 兒童玩具, 盒蛋, 及 RMZ.
備註






:






其實一早想幫佢做返過 Renewal Ver. 今年過舊曆年既時候入到去, 個門口出清貨告示, 我心知不妙. 入去買左小小野.  我好斗胆咁問老板 : "呢度係唔係唔做啦?(其實新正頭問人咁既問題應該會比人斬死!)". 老板帶著氣憤道: "唔係唔做, 係唔比你做, 大食細係咁架啦....本來1月21號要走, 但而家總可以留多一陣...........". 最後老板只有苦笑, 但對洋蔥頭無一點不禮貎............
最近有村民話比洋蔥頭聽原來只係搬去細鋪, 呢排得閒入去做返個 renewal 啦, 鋪細左一半. 貨就當然比以前小, 但總算幸存下來.






下圖為舊鋪照片 :

Google Map :


顯示詳細地圖





睇完玩具行出市中心揾食, 咁啱見到 "一樂", 呢期咁紅, 咁就順手去試下啦. 橫掂都食咁就個鵝肶飯啦! 皮係軟身但夠香, 鵝肉亦唔算太肥, 入口剛剛好. 亦夠滑. 幾好味. 鵝肶飯加杯涷檸荼成為 $103, 真係見人見志啦. 

2013年10月8日 星期二

No. 003 九龍區 九龍灣 咭將軍

店鋪名稱:咭將軍
地址:九龍灣80號宏光道麗晶商場1樓107號鋪
營業時間:11:00 - 20:00
付款方法:只收現金
交通

:

巴士 : 13X15A107, 224X, 於麗晶商場站落車
港鐵 : 彩虹站 A3 出口 (港鐵站其實離麗晶商場都幾遠, 塔巴士會方便好多).
貨品種類:Transformer, Tomica, Figma, 盒蛋, 及遊戲咭
備註

:

真係越唔起眼既商場, 就越多好野收埋. 係呢個商場總共有3間玩具店. 下次再為講其它兩間. 

Google Map :


顯示詳細地圖

2013年9月28日 星期六

No. 002 新界區 葵涌 嘉文文具 (Last Update 2016/10/17)


店鋪名稱:嘉文文具
地址:新界葵涌葵盛圍63號葵盛東商場 G3-4 號鋪
電話:2407 3820
營業時間:09:00 AM - 20:00 PM
付款方法:只收現金
交通



:



巴士 :
34 於 "葵盛東商場" 站落車, 37, 37M 38, 及 47X, 於 "葵盛東巴士總站" 落車.
小巴 :
89S 由港鐵葵芳站至葵盛東邨
貨品種類:Gunpla, RMZ, 洋娃娃, 幞面超人玩具, 戰隊玩具, 氣槍, 及塑膠玩具.
備註


:


今時今日要係一個公屋商場, 重有間咁大間既文具玩具店己經極之小有. 可能係因為 "葵盛東" 個位唔就腳啦,  個鋪位就大, 但因貨物太多, 入去睇野都有幾逼既感覺, 大路野都算係齊既. 有機會經過, 就去睇下啦.  






下圖為 "嘉文文具" 裝修前的鋪面




另外一樓重有一間漫畫店, 叫漫畫王朝, 有興趣可上去望望.

Google Map :







今次上到去葵盛東邨, 見到呢間賣印式咖喱, 就當然要試佢一試, 店內有三個套餐揀, 有羊肉, 牛腩, 同豬肉跟烤餅或飯. 洋蔥頭當然係要牛腩同烤餅. 事頭婆問洋蔥頭, 要大中小辣, 其實又唔知你又幾辣喎, 當我成面問號既時間, 事頭婆好醒目咁話比洋蔥頭聽, 其實小辣真係唔辣. 明晒, 要左個中辣. 見到成個餐廳入面都係 sale 咸檸七. 咁就順便叫埋. 野食離到, 先試一試佢個烤餅. 餅邊脆脆地, 而入面香軟. 好野離既, 因為唔係即烤做唔到出外脆內軟. 再點咖喱汁試下, 好明顯, 香草味唔做到太濃, 去配返香港人既口味, 牛腩呢? 好味. 做到軟又"依韌", 咖喱入味, 而不失腩味. 正. 辣度亦啱啱好, 再飲一啖咸檸七, 剛剛好解晒所有辣味. 食到中途, 事頭婆走埋離問洋蔥頭, 會唔會太辣, 洋蔥頭表示可以, 跟住事頭婆表示可加辣. 因為對口味呢個啱晒啦. 希望係未來好快可以再食多次.

2013年9月27日 星期五

[己結業] 九龍區 太子 太子玩具模型中心


店鋪名稱:太子玩具模型中心
地址:九龍旺角通菜街234號地下
電話 / FAX: 2693 6926
E-mail:enquiry@princetoys.com
營業時間

:

Mon - Sat 11:00 - 20:30
Sun           11:00 - 20:00
付款方法:VISA / MASTER / EPS / 銀聯 / American Express
交通:港鐵 : 太子站 A1出口
隧巴 : 112 於 "太子鐵路站" 落車
九巴 : 30X, 41. 42A, 45,60X, 68X, 69X, 81, 238X, 於 "太子鐵路站" 站落車
           6, 58X, 59X, 66X, 67X, 於 "旺角警署" 站落車
網址:http://www.princetoys.com/
貨品種類

:

Gunpla, Transformer, Tomica, Figma,  SHF, ULTRA ACT, SIC, Robot魂, 聖衣神話, 洋娃娃, 氣槍, 兒童玩具,盒金魂, 盒蛋, 模型用品及用具.
備註

:

一向唔覺太子有玩具店, 前年去巡街時發現呢間. 款式離講真心多. 揾二輪野可以去望下. 






Google Map :



鄰近玩具店 :

英明模型有限公司詳細資料
峻山手工藝詳細資料






去完 "太子", 好順勢咁行左去花園揾野食. 見到呢間台灣美食, 門口見到有洋蔥頭鐘意既炸魷魚鬚, 所以行左入去叫左個 "炸魷魚鬚肉燥飯". 真心好味. 炸粉啱啱好, 簿簿地. 彈牙又唔韌. 肉燥味啱啱好, 唔會好鹹. 遺憾係叫左杯小甜凍檸茶, 太淡了...下次要普通隐陣D. 

2013年9月26日 星期四

No. 001 九龍區 深水埗 福利遙控模型 (Last update 2016/10/10)


店鋪名稱:福利遙控模型
地址:深水步元洲街66A地鋪
電話:2386 0233
營業時間

:

Sat - Wed,  11:00 - 19:30
Thu & Fri,  11:00 - 21:00 
付款方法:EPS / Octopus / 
交通




:




港鐵 : 深水埗站 D2 出口
九巴 : 2B2F6D, & 86A 於 "深水埗郵政局" 落車.
           414598C98S234X238X, & 270B 於 "深水埗欽州街" 落車
隧巴 : 102112, & 171, 於 "深水埗北河街" 落車
Facebook:福利模型 Fook Le Model
Blog:Fook Le Model 福利模型 
貨品種類

:

Gunpla, Transformer, Figma, 田宮模型, 壽屋模型, SHF, Robot魂, 聖衣神話, 盒蛋, 模型用品及用具.
備註





:






一提起 "福利", 大家第一樣野可能係佢隻招牌貓咪, 而正當好多玩具店執得就執既時候福利可以由一間鋪做到兩間雙連鋪, 不得不佩服 "福姑" 經營有術. "福姑"好識得利用 Facebook 去宣傳, 又夠胆去入唔同種類既模型, 例如 1:12 既比例模型, 同金焛焛既日本城堡模型. 可以做到平有平玩, 貴有貴賣, 令到不同玩家不能 "空手而回"! 打通兩鋪之後比洋蔥頭既感覺係真係好行好多, 以前一鋪既時候, 入去買完要買既野會即走, 因為真係逼到爆, 客撞倒客係經常發生, 而家可以先尋下寶. 一間值一去再去既店鋪. 

上圖為福利名物 "喵喵" !

下圖係 "福利" 擴充前鋪面

相關報導 :


玩具魂 : 新派掌門人

Google Map : 



隣近玩具店 :

玩巨帝國詳細資料
富達玩具詳細資料
關東店 - KANTO HOBBY        詳細資料



其實好幾次經過雪山過門而不入, 今次趁寫遊記就試下, 餐廳裡面, 仍然保留舊式裝修, 但保持得非常整潔. 例牌午餐太過麻甩(如蕃茄蒸魚飯等), 眼一轉, 放係小炒客飯餐單上, 叫左個 "中式牛柳客飯". 牛肉本身唔會嗱到無晒肉味兼幾軟滑, 甜酸汁亦恰到好處, 份量亦足. 唯一美中不足係佢個汁好好送飯, 攪到唔夠飯食, $52 有個好味客飯跟可樂, 一個唔錯既午餐.







又係時間做運動啦, 今之同 Faiz 離到 "李鄭屋邨 - 漢花園". 裡面都幾多假山, 影細玩具都唔錯, 好, 去傷眼相了!

**本文僅作參考之用**

2013年9月25日 星期三

九龍區 九龍城 祥興玩具

店鋪名稱:祥興玩具
地址:九龍城 龍崗道14 地下
電話:2383 6843
營業時間:12:00 - 23:00
付款方法:只接受現金
交通

:

九巴 : 1A, 3B, 5, 5C, 5D, 9, 11, 11B, 11D, 11X,  14, 15, 16, 17, 24, 85X, 107, 116 於 "富豪東方酒店" 站落車
Facebook:祥興玩具
貨品種類

:

Gunpla, Tomica, 田宮模型(四驅車), SHF, ULTRA ACT, SIC, Robot魂, 盒蛋, 景品, 氣槍, 魂限商品及聖衣神話
備註:舊區既街邊小鋪, 以賣Hit 野為主,  小小既店鋪乜種類都有小小. 




  



隣近玩具店 :

艷霞玩具禮品中心  (詳細資料)
咭將軍                      (詳細資料)
光之力研究所          (詳細資料)








慕名呢間 "清真牛肉館" 好耐, 因為洋蔥頭"好"牛. 叫左招牌牛肉餅, 同咖喱牛腩飯. 牛肉餅真係名不虛傳. 上下外皮煎到小小脆, 裡面爆多, 又香牛肉味既肉汁同個塊軟軟既牛肉餅. 勁 like. 咖喱牛腩飯嘛,  牛腩炆到非常依韌, 咖喱甘香, 辣辣地, 正, 呢間一定再離.